Beriya her tiştî vêya bibêjim, herçî vê pirtûkê nexwîne bila mal da bimîne :)) Ya rastî ji aliyê nirxandinan ve hinekî qels im, hewqas pirtûkên serkeftî dixwînim lê bi xwe re nabînim di derheqê wan de du sê rêzikan bidim ser hevdu. Lê ji ber mijara pirtûkê min xwe mecbûrê vê yekê dît. Dixwazim wek pêşniyar jî li vir bimîne. Mijara berhemê, li ser bavekî û hesara ku ji bo hepskirina kulfeta xwe ava kiriye, hatiye hûnandin. "Bav" di vir de serdest e, jin û zarokên wî jî girtî û koleyên ber destî wî ne. Hemû malbat, bi wê xeyalê ve dijîn ku rojekî ji hesara wî "bav"î rizgar bibin û azadiya xwe bi dest bixin, lê mixabin heta kûçik û cûcikên wê hesarê jî bi hawayekî nedîtî ji hêza "bav" ditirsin, bawer nakin ku ew bav rojekî bimire jî ew bi destekî şûştî jê xelas bibin. Dawiya dawî, nixûriyê malê, digire "bav"ê xwe dikuje, wê hesarê ji wê bindestiyê rizgar dike. Lê mixabin ew malbata ku heta wê kêlîyê jî dixwestin mezinê xwişk û birayan, wan ji vê bindestiyê rizgar bike, piştê kuştina bav û mêrê wan, ew dibin dijminê nixûriyê malê, wê hesarê ji nû ve jê re dikin zindan. Kujerê bavê xwe li hemberê vê helwesta malbata xwe gazinê xwe dike û dibêje: "Min nedizanî hûn şevşevok in û evîndarê tarîtîyê ne" (83). Belê ew kesên di wê hesarê de, hewqas hînê wê bindestiyê bibûn, dema ji vê bindestiyê rizgar bûn nema bizanibim çawa tevbigerin, bi ku ve biçin. Ev yek, nîşaneya aşiqbûna celladê xwe ye, bi awayekî serkeftî di romanê de jî li ber çavan hatiye raxistin. Têgeheke din a ku di vê romanê de derdikeve pêşberî me "bavkuştin" e. Dîroka dijmintiya di navbera kur û bavê de, xwe dispêre mîtolojiyên serdemên kevin. Mijareke kevnare ye û di gelek cureyên hunerê de jî bi awayekî serkeftî cihê xwe girtiye. Çi rasthatineke sosret e ku di van çend pirtûkên dawîyê de, li rastê vê têgehê hatim. Tewr, du roj berê min fîlmeke A. Kiarostamî temaşe kir, dîsa behsa heman mijarê dikir. Nefreta li dijî bavê, di edebiyata Kurdî de, ji girîngtirîn têgehan e û hêjayê xebeteke qewî ye. Welhasil, vê pirtûka pîroz bixwînin û bidin xwendin. Spas!

Hesar û Kûçikên Bavê MinŞêrzad Hesen · Dara · 202013 okunma

··

316 views

Miheme

@hertistderew ·

26 November 2022 16:00

Lêkolînek gelek hêja ye. Di alîyê lêkolîna da divê mirov netirse û binivîse an na, mirov çiqas pirtûkê baş bixwîne jî heta nenivîse hevok berî xwe rêz nabin mixabin. A rastî çawa mirov nirxê gelek mirovên der dora xwe nizane a bavê xwe jî wisa nizane, ya bavê xwe bêtir nizane tewera. Lê ez dibêm qey qêm bav ne tê da bav tev jî ji zarokên xwe rê tiştên baş dixwazin (dibe ku tiştên dikin ne rast be lê ez dibêm qey ew wisa rast dibînin) Gava bav derbas dibe ev helbesta tirkî dikeve bîra min; youtu.be/T1H8882wbdY Min pênûsa şerzad hesen jî gelek meraq dikir, hêvî dikim ez ê di demek nêz de bixwînim. Destê wê sax be. Bi hêviya lêkolînên zêde.

Şeyma

@seymolog ·

26 November 2022 16:13

Gelek spas ez jî hêvî dikim wê lêkolîn zêdetir bibin. Vê helbestê min wextekî gelekî guhdar dikir pir watedar e malî ava. Helbet ji aliyê şexsî ve em bifikirin bav ne nîşaneya xerabîyê ne, bavbûn jî bi qasî dayikbûnê biqîmet e lê di berhemê de "bav" wek sembolekî hatiye bikaranîn. Di vir de bav îktîdar e, bav serdest e, bav erîl e, ango ne tenê bavê zarokan an jî malxweyî mala xwe ye. Ya ku pirtûkê serkeftî dike jî ev sembolîzasyon e ji xwe. Dîsa jî bav pişt e ☘️

Bu yorum görüntülenemiyor

Şanyar Adir

@Goldegildeniz ·

27 November 2022 00:34

Saeta te xwes delalê. Bi rastî nirxandineke xweş bu. Tu her hebî. Şîroveya te ew qas balkêşe. Ez ê jî demek herî kin de bîwxînîm. Xwe dive ez malda jî nemînin 🙂

Şeyma

@seymolog ·

27 November 2022 00:38

Delaltirîn tu yî hêjayê 🙏 miheqeq bixwîne, heger te peyda nekir ez ê pirtûkê bo te rêbikem 💐 nebî nebî tu malda dimînî :))

Yorum yapabilmeniz için giriş yapmanız gerekmektedir.

Gönderi

Şeyma