"Yoxsul İnsanlar" Dostoyevskidən oxuduğum ilk əsər oldu. Əsər, özləri yoxsul, qəlbləri zəngin olan qəhrəmanlarımızın bir-birinə yazdığı məktublardan ibarətdir. Makar Devuşkin və Varvara Alekseyevna! Bu iki personajın bir-birinə bəslədikləri əvəzsiz sevgi insanı riqqətə gətirir. Yazıçı qəhrəmanların bir-birinə olan saf məhəbbətini o qədər gözəl təsvir edib ki, kitabı oxuduqca oxumaq istəyirsən, ürəyin açılır. Bir yandan da yoxsulluğun insan həyatına vurduğu maddi və mənəvi zərbələri göstərib oxucunu düşünməyə vadar edir.