Səddam Hüseyn İran müharibəsi zamanı vəziyyətdən şikayətlənən, əmrlərə tabe olmayan, ya da ona görə "qorxaq" davranan xeyli zabitləri məhkəməsiz, mühakiməsiz öldürtdü. Özü də Balad bölgəsindəki Ducail qəsəbəsində sui-qəsd cəhdinə məruz qaldı. Səddam sui-qəsddən qurtuldu, ancaq Ducail qəsəbəsi yerləyeksan edildi. Daha sonra isə şiə, kürd və kommunistlərə qarşı şiddətli döyüşlər aparıldı. Bu qruplardan yenə xeyli insan öldürüldü. Həmin sui-qəsd isə Səddamın planlı səfərlər etməsinin də sonu oldu.