Dünya ədəbiyyatı oxumaqla bərabər insan gərək öz millətinin,xalqının ədəbiyyatı ilə də tanış olsun. Bu il öz yazarlarımızdan Ənvər Məmmədxanlı ilə başladım.Kitabın içərisində yazarın 5 əsəri yer alır. İlk əsər "Şərqin səhəri"dir.Burda Azərbaycanda Sovet hakimiyyəti gedən mübarizəni qələmə almışdır. İkinci "Şirvan gözəli" əsərinin mövzusu elmdə dərinə getməyənləri,dayazlıq edənləri tənqid edir.İki qocaman alim kreslo arxasında özlərinə seçdikləri əqidəni kor-koranə müdafiə edirlər və bir-birinə düşmən kəsilirlər. Ta o vaxta qədər ki,elmin həqiqəti onları silkələyib oyadır.Həm də öz övladlarının əli ilə... Üçüncü əsər olan "Kəllə və qızılgül" bəlkə də ən çox sevdiyim və ən axıcı gələn əsər oldu. Suni intellekt və insan beyninin əsrarəngiz qarşılaşmasında suni intellektin "tanrısı" onu yaradan tanrının yaratdığı nizam qarşısında məğlub olur. Dördüncü-"Xürrəmilərin ağ şahini" əsəri tarixin böyük simalarından biri olan Babəkin mübarizəsini,həyat yolunu,azadlıq uğrunda etdiklərini qələmə almışdır.Bir gün azadlığı 40 il köləlikdən üstün tutan Babəkin mübarizəsini... Son olaraq "Od içində" əsəri Cənubi Azərbaycanda, Təbrizdə şah rejiminə qarşı baş qaldıran məğrur xalqın mübarizəsini əks etdirir.Fədailərin başçısı olan Azərin timsalında görürük ki,nə qədər zaman keçsə də Babəkin azadlıq ruhu bu xalqın ruhundadır və əbədidir. Heç kəs azadlıq uğrunda canından keçən birini yalvarmağa məcbur edə bilməz!

Seçilmiş əsərləri - İki cilddə. İkinci cildƏnvər Məmmədxanlı · "Yazıçı" nəşriyyatı · 19851 okunma

·

24 görüntüleme

Yorum yapabilmeniz için giriş yapmanız gerekmektedir.

Gönderi

Badisəba