Aysun Çelik: KASÎDE DER VASF-I SA'D-ÂBÂD-I STANBUL Bu şehr-i Stanbul ki bî-misl ü bahâdır Bir sengine yekpâre 'acem mülkü fedâdır Bir gevher-i yekpâre iki bahr arasında Hurşîd-i cihân-tâb ile tartılsa sezâdır Bir kân-ı ni'amdır ki anın gevheri ikbâl Bir bâğ-ı iremdir ki gülü 'izz ü alâdır Altında mı üstünde midir cennet-i...

KASÎDE DER VASF-I SA'D-ÂBÂD-I STANBUL Bu şehr-i Stanbul ki bî-misl ü bahâdır Bir sengine yekpâre 'acem mülkü fedâdır Bir gevher-i yekpâre iki bahr arasında Hurşîd-i cihân-tâb ile tartılsa sezâdır Bir kân-ı ni'amdır ki anın gevheri ikbâl Bir bâğ-ı iremdir ki gülü 'izz ü alâdır Altında mı üstünde midir cennet-i a'lâ El-hak bu ne hâlet bu ne hoş âb u havâdır Her bâğçesi bir çemenistân-ı letâfet Her kûşesi bir meclis-i pür-feyz ü safâdır İnsâf değildir ânı dünyâya değişmek Gülzârların cennete teşbîh hatâdır Herkes erişir anda murâdına anınçün Dergâhları melce-i erbâb-ı recâdır Kâlâ-yı me'ârif satılır sûklarında Bâzâr-ı hüner ma'den-i 'ilm ü 'ulemâdır Ca'milerinin her biri bir kûh-i tecellî Ebrû-yi melek andaki mihrâb-ı duâdır Mescidlerinin her biri bir lücce-i envâr Kandilleri meh gibi lebrîz-i ziyâdır Ser-çeşmeleri olmada insâna revân-bahş Germâbeleri câna safâ cisme şifâdır Hep halkının etvârı pesendîde-i makbûl Derler ki biraz dilleri bî-mihr ü vefâdır Şimdi yapılan 'âlem-i nev-resm ü safânın Evsâfı hele başka kitâb olsa sezâdır Nâmı gibi olmuşdur o hem sa'd hem âbâd Stanbul'a sermâye-i fahr olsa revâdır Kûhsarları bâğları kasrları hep Gûyâ ki bütün şevk ü tarab zevk u safâdır Stanbul'un evsâfını mümkün mü beyân hiç Maksûd hemân sadr-ı kerem-kâra senâdır Nedîm

28 görüntüleme

Yorum yapabilmeniz için giriş yapmanız gerekmektedir.

Gönderi

Aysun Çelik