" İnsanın taleyi " əsərində Sokolovun taleyində müharibənin fəlakətə uğratdığı ,lakin yaşamaqdan hələ də imtina etməyən əzmli insanların taleyi ümumiləşmişdir .Müharibə böyük bir fəlakətdir : məğlub olan da onun dəhşət payından götürür , qalib gələn də ..
Sokolov İkinci Dünya müharibəsi zamanı savaşa yollanır ,yaralanır ,əsir düşür .Müharibədə olarkən almanlar təyyarə zavodunu bombalayır ,bir bomba da onun evinə düşür : həyat yoldaşı İrina və 2 qızı həlak olur .
Həyata tutunmağa çalışan Sokolov ata və anasını itirmiş Vanya adlı balaca ilə tanış olur , balaca Sokolovun atası olduğuna inanır .Vanya da kiçik yaşda olmasına baxmayaraq bir ömür yaşamış " qoca " kimi idi .Hər ikisini müharibə sevdiklərindən ayırmışdı ,lakin bu iki fərqli insanın taleyini də müharibə birləşdirmişdi.Sokolov müharibədən zərər çəkmiş bütün insanların taleyini əks etdirirdi .Sokolov həyatından şikayətlənmirdi ,o sevdiklərini müqəddəs bir amal üçün — vətən torpağını qorumaqdan ötrü itirmişdi .
Əsərin əvvəlində balaca Vanyaya "qoca " deyə müraciət olunur . Bu da səbəbsiz deyildi .Müharibə nəinki böyüklərin ,balacaların ruhunda belə sarsıdıcı izlər buraxmışdı
Amma bütün bunlara görə insan yaşamaqdan əl çəkməlidimi ? Sokolov bütün gücü ilə bunu "yox " deyir .
Yazıçı Sokolov obrazı ilə bütün yaşanan dəhşətlərə baxmayaraq "həyat davam edir " fikrini oxucularına aşılamağı bacarır