"Silahını çıxarmağa macal tapmamış peysərinə nə isə soyuq bir şeyin dirəndiyini hiss edib başını geri döndərdikdə, hər şeydən qabaq tapança lüləsini, sonra isə qırmızıyanaq bir oğlanın qıyılmış gözlərini gördü. Qeyri-ixtiyari əllərini qaldırdı. Onun yanında, əynində çox bahalı xəz palto olan bir qız oturmuşdu. Ən azı əlli beş-altmış yaşı olardı. Bu qız isə onun nəvəsi yerində idi. Ağzının və kirpiklərinin üstündə bir pud boya və tuş olmasına baxmayaraq, ona güclə on yeddi-on səkkiz yaş vermək olardı. O, əsə-əsə ancaq bunu deyə bilirdi:
- Ay məmə, ay məmə, ay məmə!"
