Göŋlümi alduŋ nigārum ḳandasın
İy boyı serv ü çenārum ḳandasın
Bülbülem zār iderem irte giçe
İy yaŋaġı gül-ʿiẕārum ḳandasın
Ḳandasın iy lebleri āb-ı ḥayāt
Ḳara saçı müşk-bārum ḳandasın
Uş ḫazān itdi beni hicrān [u] derd
İy yüzi evvel bahārum ḳandasın
Ben benefşe bigi boynum egmişem
Sen yaŋaġı lālezārum ḳandasın
Oda yandurur beni kimdür ʿadū
İy benüm sevgülü yārum ḳandasın
Yandı Dehhānī firāḳuŋ odına
Dimedüŋ oda yanaram ḳandasın