Azərbaycanda 30-cu illər repressiyası dövründə təkcə milli elmi kadrlar, şair və yazıçılar, incəsənət xadimləri, hərbçilər və xalq təsərrüfatının müxtəlif sahələri üzrə ixtisaslı mütəxəssislər aradan götürülmürdü. Azərbaycanlı oğul və qızlarımızla yanaşı, Bakıda doğulub yaşayan və Sovet İttifaqının müxtəlif yerlərindən işləməyə dəvət olunan istedadlı, yüksək ixtisaslı rus, yəhudi, tatar və eləcə də digər millətlərin nümayəndələri də repressiyaya məruz qalırdılar.