Habîbullah bu yolda eyledi izah
O nazik lafızla hoş kıldı ifsah
Bu sözdür gerçi kim surette icmâl
Ne tafsil eyledi gör şâh-ı iclâl
İşaret buyurur ol şâh-ı esnâ
Ki yolumdur benim eclâdan eclâ
Benim yolumda yoktur zerre şüphe
Meğer a'ma olanlar düşeler teybe
Ki Kur'an yoludur benim tarîkim
Onunla geldi hep sahb u farîkim
Velî bir fırkayı kör etti şehevât
Müfîd olmaz olara bu celiyyât
Olar hâricdedür bahs-i hudâdan
Temayüz umma elvana âmâdan
Hevâdır kör eden ayn-ı ibâdı
Hevâ ehli olan bulmaz reşâdı