*
Her şahsı harîm-ı Hakk'a mahrem mı sanursın
Her tâc giyen çulsuzu Edhem mi sanursın
Dehri arasan binde bir âdem bulamazsın
Âdem görünen harları âdem mı sanursın
Çok mukbili gördüm ki güler içi kan ağlar
Handân görünen herkesi hurrem mi sanursın
Bil illeti kıl sonra müdâvâta tasaddî
Her merhemi her yâreye merhem mi sanursın
Kibre ne sebeb yoksa vezîrim deyû gerçek
Sen kendini düstûr-ı mükerrem mi sanursın
Ey müftehir-i devlet-i yek-rûze-i dünya
Dünya sana mahsûs u müsellem mi sanursın
Hâlî ne zaman kaldı cihân ehl-i tama'dan
Sen zâtını bu âleme elzem mi sanursın
En ummadığın keşf eder esrâr-ı derûnın
Sen herkesi kör âlemi sersem mi sanursın
Bir gün gelecek sen de perîşân olacaksın
Ey gonce bu cem'iyyeti her dem mi sanursın
Nâ-merd olayım çarha eger minnet edersem
Cevrinle senin ben keder etsem mi sanursın
*
Sayfa 107