Sabahattin Ali
Ən çox oxunan kitablardan biridir "Xəz Paltolu Madonna". Kitabı ilk dəfə oxuyanda çox maraqsız gələ bilər, lakin hadisələr əsas süjet xəttinə doğru inkişaf etdikcə kitab özünə çəkməyi bacarır oxucunu. Sadəcə nakam bir məhəbbəti yox, o qədər çox şeyi anladır ki yazar. Çoxluğun içindəki yoxluğun timsalıdır Raif Əfəndi. O qədər insanın içində yad, yabançı, görünməz. O qədər yad insan arasında Raif Əfəndiyə yalnız bircə nəfər doğma ola bilir: Mariya. Onun həyatı Mariya ilə məna qazanır. Mariyada cəmiyyətin yaralı nümayəndələrindəndir. Bu ikisini birləşdirən də elə o yaralar olur. Kitabdan çıxarılası çox dərs var. Sonuna qədər,səbrlə oxumağı tövsiyə edərdim.
