İncələməmi oxumaq istəyirsinizsə, sadəcə, bundan əmin olun.Yalan
Art və Xaos. Öz trackləri və əsərləri ilə adını Azərbaycan sənət tarixinə yazdırmış Qaraqanın qələmindən oxuduğum daha bir əsər...
Gəlin, sizə bir sual verim. Yəqin ki, hamınızın sevərək dinlədiyi musiqi və ya "fanat"ı olduğu kitablar var. Əlbəttə, onların yazıçılarını da sevirsiniz. Bəs, əsəri yazıçıya görə sevirsiniz, yoxsa yazıçını əsərə görə? Cavab vermək lazım deyil, sadəcə düşünün. Bu, ilk riyaziyyat müəllimimin bəhs etdiyi, ədəbiyyat dərsində nəyə görə keçmədiyimiz haqqında təəccübləndiyi "cavabsız suallar" kimidir. Əlbəttə, mənim müəllimlərim və dərslərim sizə maraqlı deyil, elə isə, sizə maraqlı olan (ümid edirəm ki, belədir.) mövzudan yayınmayaq. Bəli, mən də bu sualın cavabını verməyəcəm, sadəcə düşünün. Əgər bir gün sizin əsərlərini çox sevdiyiniz yazıçı düşüncələrinizin ziddində əsərlər yazsa, onu hələ də sevərsiniz? Bəlkə də, bu əsər sizin düşüncələrinizə təsir edər, onları dəyişdirər və bundan xəbəriniz belə olmaz. Ümiyyətlə, bizim düşüncələrimiz var mı? "Düşünən heyvanlar" nə dərəcədə düşünür? Düşünmək nədir axı? Biz bir filmə baxırıq, filmin baş obrazının necə də bədbəxt olduğunu düşünürük. O heç öz övladlarını belə doyura bilmir, belində ağır daşlar ilə bir neçə kilometr yol getməlidir. Amma nəyə görəsə, onun bir neçə kilometri, səhnənin bitməsi ilə sona çatır... Səhər durmusunuz, çox xəstəsiniz, qızdırmanız var. Əgər siz universitet tələbəsisinizsə, düşünürsünüz: "Ola bilməz, mən bu gün dərsə gedə bilməyəcəm, müəllim mənə qayıb yazacaq və dərslərimdən geri qalacağam." Daha sonra yatır və bir də günorta oyanırsınız. Həmin gün bitki çayı içir, ən sevdiyiniz fimi izləyir və sabah yeni günə sağalmış vəziyyətdə başlayırsınız. Sizi sağaldan nədir, bitki çayı? Bəlkə, bir müddət məsuliyyətdən azad olmaq və sevdiyiniz işlərlə məşğul olmağın motivasiyasıdır?
"Düşünən heyvanlar" özlərini və başqalarını aldadırlar. Gördükləri insanlara "Bu gün çox gözəl görünürsünüz" deyirlər. Və nəticədə, hər iki tərəf xoşbəxtdir.
Bəlkə elə, bizi digər heyvanlardan fərqləndirən, yalan danışmağımızdır? Bəli, digər heyvanlarda "yalan danışa" bilərlər, ən azından hərəkətləri ilə. Amma biz bunu mədəniyyətə çevirmişik, bütün mentalitetimizi bunun üzərinə qurmuşuq. Siyasətçilər, ticarətçilər, hətta din insanları yalan danışırlar. Nəticədə, biz "Homo Sapiens" oluruq. Axı, digər heyvanlar bir-birlərinə bu gün nə qədər gözəl göründüklərini demir, sənət əsərləri satmağa çalışmırlar. Məgər sənət ən böyük yalanların toplusu deyilmi? İnsanlar orada həqiqətdə olmayan şeyləri görür və bundan zövq alırlar.
Art və Xaos. Yalan və New York, bütün cəmiyyətlərdən insanların bir yerdə toplaşdığı məkan...
··
286 Gösterim
1 Yorum
Lütfen giriş yapınız.
