Çəkdiyim ağrılar bir yana dursun,
İnsafı, mürvəti sən atmadınmı?
Mən sənə yar desəm dilim qurusun,
Yarı, məhəbbəti sən satmadınmı?
Qırdın qanadımı, qırdın qolumu,
İtirdin qəlbini, azdın yolunu.
Tərlan xəyalımı, laçın könlümü
Aldadıb-aldadıb oynatmadınmı?
Vurğunun ahları yüksəlir göyə,
Sormadın bu sirri, sormadın niyə?
Dünyada bir şöhrət, bir altun deyə
Şahmarın qoynunda sən yatmadınmı?