Hər kəsə salam!
Bu John Steinbeckin oxuduğum ikinci kitabıdır. Kitabda Steinbeck işçiləri siçanlara bənzədir. Siçanlar kimi onların da qarşılarına qoyduqları məqsədi vardı və onlar kimi pis yerlərdə yatıb, iyrənc yeməkləri yeyirlər. Əsərin qəhrəmanları George və Lennie'dir. Lennie iri cüssəli , məsumdur, lakin uşaq ağıllıdır, çox şeyi unudur. George ona nisbətən zəkalıdır, amma bir-birinə zidd olan bu iki insan dostluq edirlər. İnsanı həyata bağlayan məqsədləri, arzuları, gələcək planlarıdır. George və Lennie'nin də gələcək planları var idi. Özlərinə məxsus fermalarının, inəklərinin, toyuqlarının olacağının xəyalını qururlar. Həmçinin dovşan almaq da istəyirdilər, çünki Lennie yumuşaq şeylərə toxunmağı, sığallamağı çox sevirdi. Amma qurduqları xəyalları gerçəkləşdirə bilmədilər. Kitabda dostluqdan savayı irqçilik, yoxsulluq,saflıq kimi mövzulara da toxunulmuşdur. Əsərin sonunun belə bitəcəyini düşünməmişdim. Steinbeck insanların əməklərinin qarşılıqsız qaldığını da çox yaxşı vurğulamışdır. Nəticədə, John Steinbeckin bu əsəri sevdiyim kitablardan biri oldu. Hər kəsə xoş mütaliələr. :)
