𝕱𝖗𝖆𝖓𝖘 𝕶𝖆𝖋𝖐𝖆-Dönüşüm/Çevrilmə(𝕸𝖊𝖙𝖆𝖒𝖔𝖗𝖋𝖔𝖟) ..."Doğma" insanlar içində yalnızlıq və tənhalığın hekayəsi... Kafka'ya səyahət qaranlıq, ucsuz-bucaqsız mağarada təkbaşına gəzmək kimidir. Ara-sıra melanxoliya qoxulu klaustrofobiya hissi, insanın absurdla mübarizəsi və var oluş sancısı... Yazarın bütün əsərlərində olduğu kimi burada da özünü absurd və mənasız həyat qarşısında günahkar hiss edən, cılız insan taleyi təsvir edilir. (spoiler) Düşünün,bir səhər yuxudan oyanırsınız.Hər şeyin yenə bir öncəki gün kimi sıradan davam edəcəyindən əminsiniz,amma birdən nələrinsə qaydasında olmadığının fərqinə varırsınız,eybəcər bir həşərata çevrildiyinizi görürsünüz... Qreqor Zamza ailədə yeganə pul qazanan şəxs ikən,bu halda olması ilə bağlı ailə maliyyə baxımdan pis vəziyyətə düşür. Baş verənlərə görə,o, özünü günahkar hesab edir.Niyə böcəyə çevrilir,necə qurtula bilər-onu maraqlandırmır belə. İndi onun tək dərdi işə gecikməsidir... İnsanoğlu o qədər nankordur ki , onun maraqlarını cəlb etmədiyin və ona hansısa mənada fayda vermədiyin zamanadək lazımsız varlığa çevrilir və dəyərsizləşirsən.Qısacası,hər şey maraq və şəxsi mənfəətlərindən asılı vəziyyətdədir,çürüyən dünyamızda həqiqi hiss tapmaq çox çətindir.Hər keçən gün daha da məhv olub, insani dəyərlərin məzarlığına çevrilən dünyamızdan və maddi maraqlarından aslı olaraq dəyişən insan topluluğundan bir qurtuluş yolu olduğunu görürük çevrilmənin... İnsan dəyəri"pul","maddiyyat" kimi nəsnələrlə ölçülməyə başlayır. Və bir gün insan böcəyə çevrilərsə, yəni ehtiyacları qarşılayan insan olmaqdan çıxarsa, onun dəyəri də itəcək. Bu ailə daxilində də belə olacaq, həmin fərdə qarşı ikrah və qəzəb hissi yaranacaq... #azadgələcəyə ...

DönüşümFranz Kafka · Martı Yayınları · 2021222,4bin okunma

·

1 artı 1'leme

·

19 görüntüleme

Yorum yapabilmeniz için giriş yapmanız gerekmektedir.

Gönderi

E.