Bir tükenmez derde saldı âfet-i devrân beni
Kays-veş etdi cihânda dillere destân beni
İhtiyârsız âteş aldı bu vücûdum dem-be-dem
Mahveder cûd-i vücûdum kıldı nâristân beni
Ol kemân-ebrû sanem bir seng-dildir n’eyleyim
Kan ile yuğurdu bağrım etdi gülistân beni
Kâkül-i gülberlerinden bûy-i anber neşrolur
Bâde-i la‘l-i lebiyle eyledi mestân beni
LUTFİYÂ dârü’l-emân bir dâr-ı Mansûr’dur bize
Dağladı yakdı derûnum kıldı dâğıstân beni