1 Felek hâlim mükedder eyledin cevr ü cefâdan geç
Yeter bîhûde ben za'îf ile gel iddi'âdan geç
2 Tavîl-i 'ömr olursam Nûh gibi mahbûbdan el çekmem
Gel ey nâsıh bana kâr eylemez pend ü recâdan geç
3 Döker hûn-[âb] gözüm bagrım yanar leyl ü nehâr her dem
Yol ugrat bir seher gör hâlimi mihnet-serâdan geç
4 Girüp kana kul öldürmek degildir şânına lâyık
Bagışla cürmümi 'afv it kerem kıl bu hatâdan geç
5 Beni alma ayaga nâzenînim güft-i ağyârla
Sana dirse o dûn-ı bed-likâ Rûhî gedâdan geç