... ÂSUMÂNA ÇIKAR FERYÂDIM
1 Ne sihr itdi bana ol gözleri ahû-yı cellâdım
Hayâl-i kâküliyle geşt-i sahrâ oldı mu'tâdım
2 Gamınla nâlişimden 'âciz oldı halk zemîn üzre
'Aceb mi var çıkarsa âsumâna âh u feryâdım
3 Gönül ârzû çeküp sâye semen gül-geşte 'azm itdi
Tegâfül birle aldı aklım anda kadd-i şimşâdım
4 Benem bunca sadâ-yı nâkus-âsâ eyleyen efgân
N'içün ey meh-likâ bilmem ki irmez gûşuna dâdım
5 Berî oldum kamu her kîl u kâli kesb-i 'âlemde
Fakat yokdur benim hecr-i gamından özge îrâdım
6 Meserret iklîminde bulmadı bir yer mühendisler
Medâ'in-i 'ömr içre keşf-i mi'mâr itdi bünyâdım
7 Ümidim var harâb ahvâl-i Rûhî'ye ider mürvet
Sabâ bir nebzece dergâh-ı yârda eylese yâdım
Sayfa 282Kitabı okudu
·
480 görüntüleme
Yorum yapabilmeniz için giriş yapmanız gerekmektedir.