Tîr-i müjgânlarınun zahm-ı cigerde yeri var
Hâr-ı gülzâr-ı gamun ol gül-i terde yeri var
Sulb-ı fâsıkdan olur tâlih ü sâlih mevlûd
Güher ile şererün kalb-i hacerde yeri var
Şerha-i zahm-i derûndan be-der olmaz 'aksi
Beyt-i berceste-i ebrûnun eserde yeri var
Benzer ol sünbüle kim şîşeye vaz' itmişler
'Aks-i gîsûlarınun dide-i terde yeri var
Pâk tıynetler olur pest ise de kadri bülend
Düșse de turrelerün pâyüne serde yeri var
Hâlün ol merdüme ki çeşm-i melahatdür kim
Sâha-i dîde-i ashâb-ı nazarda yeri var
Bülbül-i tab'mızun șîven ü zârisi ile
Yine ey Hayrî çemen-bâğ-ı hünerde yeri var
Feilâtün feilâtün feilâtün feilün