Șitâ-yı devr-i zamân nev-bahâr olur giderek
Geçer firâk dem-i vasl-ı yâr olur giderek
Bu bezm-i köhnede her kim ki bâde-i ter içer
Esîr-i derd-i şikenc-i humâr olur giderek
Nola ruhında hat-ı 'anberîn sevâd olsa
Gehi güneşde küsûf âşikâr olur giderek
Kılursa turre bizi beste yanına kalmaz
O da güsiste ser-i rûzgâr olur giderek
O şâh-bâz-ı bülend âşiyân-ı gamzeye dil
Nihâde-pençe-i dest-i şikâr olur giderek
Gubâr-ı râh gibi düș türab-ı makdemine
Ser-i reh üzre bizümle dü-çâr olur giderek
Bu şûre-zârda Hayrî komaz seni çıkarur
Kemend-i dest-i atâ dest-yâr olur giderek
Mefâîlün feilâtün mefâilün feilün