1 Hadis-i Muhammed'den rehâ virür idi cânı
Ol Cebrâil'e ne didise ișitgil diyem anı
2 Bundan sonra yâ Cebrâil iner misin bunda didi
On kez dahi inem getürem didi on dürlü gevher kânı
3 Evvel inem bu yire berekâtı götürem didi
Halka assı olmaya didi öküş ola ziyânı
4 İkinci kardaşlardan șefkati götürem didi
Şimdicek kardaşlar bulsa birbirinün içer kanını
5 Üçünci indügümde mahabbeti götürem didi
Şimdicek yakın koymadı âdemün ol düşmeni
6 Dördünci indügümde düzenligi götürem didi
Kamusı hep nefse uyup unıdalar Sübhân'ı
7 Beşincisi baylardan sehâveti götürem didi
Kesile bu yir yüzinden anlarun çün hasenâtı
8 Altıncısı beglerden adl u dadı götürem didi
Yidi kat göklere çıka anlarun zulm u efgânı
9 Yidinci dervișlerden kanâati götürem didi
Şimdiki dervîşlerde sabr ider dervîş kanı
10 Sekizinci nisvândan yüz suyını götürem didi
Şimdiki hatunlarun yüzsüzlügüdür nișânı
11 Tokuzuncı nuzûlümde 'ulâmı hem ameli götürem didi
'İlm amel kalmaya götürem didi hükm-i Kur'ân'ı
12 Onuncı indügümde dalâletler buluram didi
Bu halkı küfürde koyup götürem ben çü îmânı
13 Yûnus Emrem yâ Rab sen sakla meded kederden
Kafirdür inanmayan kim getürse gümânı