Ey felek
Ey felek, ka ew sera û
Birc û qûnaxê di min?
Ka rez û bostan û dar û
Kanî ew baxê di min?
çîçek û nêrgiz heriştin
Tev ji bîna sor - gulan
Surperî nayên semayê
Kanî qozaxê di min?
Qeb-qeb û dengê kewan
Nayên li ser lat û çiyan
Kûre - kûre rengê bûman
Nalêya zaxê di min
Ser bi zêr û çox bi surme
Dest li ber, rû nale - nal
Dê bi kê xweş bin di dil de
Ev key û daxê di min?
Bilbilê malik xerab
Herdem bi hewar û girî
Xweş li ser sorgul dinalîn
Bûne ortaxê di min
Qumriyan sed rengê awaz
Wan ji derdê nêrgîzan
Bûm li ser kox û kelat û
Qesr û çardaxê di min
Dijminê zordest û zana
Tev welat girtin bi zor
Erdelan û şehrezûr
û şax û kurd - daxê di min
Kurdê gernas ku şikandin
Tîp û komên Ingilîz
Ketne bindestê neyaran
Bûne Altaxê di min! ?
Diminê milet di îro
Bûne rêber bo welat
Ên bi xapan em dixwarin
Bûne ocaxê di min! ?
Ma gelo kevneperest im?
Na, ne raste ezbenî!
Lê dixwazim zû şiyarbin
Dost û hevçaxê di min
Ez ciger-xwîn im li ser vê
Paşdemeyina welat
Rengê efyon tên firotin
Rist û ev xaxê di min...
·
57 görüntüleme
Gotinên gelek stranan de cîh digre Cegerxwîn. Hûnera Kurdî bê Cegerxwîn nayê fikirandin.
youtu.be/sP24syB7nLI?si=...
Yorum yapabilmeniz için giriş yapmanız gerekmektedir.