li ser rûnişteka li ber siya gûzê
li perava deryayê
dema ba pêlan diajon hingura êvarê
li kuçe û kolanan
li ber çavê her kesî
li meyxaneyê derengî şevê
dema badegêrrên xewto dixwazim me derxin
li pirtûkxaneyê li ber stara refên paşîn
li dikanê dema dikandar ber li derek din e
daku gustîl û guharan bo te ji şûşebendê derbîne
li giravekî ku ti kes din lê nebe
li sînemaxaneyê
li virtîvalahiya pêşandana pîştî nîvro
li ser qerriseya deryaçeyê
dema maç lêvên qerrisî germ dike
li nav nivînan piştî evandinê
di asansorê de ji qatê yekê ta yê şeşê
li xîzgeha peravê ji ber germaya rojê betilî
di hênikahiya peristgehê ve
dema oldar bo maça me lava dikin
li seyrangehê
û li her cihê pirr mirov lê hebin yan em bi tenê bin bi roj êvaran bi şev spêdeyan zû û dereng li şirrikbaranê yan kela tavê dixwazim te maç kim
·
24 görüntüleme
Yorum yapabilmeniz için giriş yapmanız gerekmektedir.