`şêx, axa, beg, gundî, pale hemî brayên
hev in û welat bi xebat û
xêreta wan hemiyan aza dibe`
Gundî û mela û şêx û axa
Seyda û feqî, nezan û zana
Em kurd in; erê; û yekdil in em
şabûnî û matemê de hemdem
Axa û mela û pale, koçer
Kurd in hemî bira ne yekser
Xelkê me hemî; ji qehr û derda
Gava digirî welatê Kurda
Rabûn û gişa ji dil û tev da
Gundî weke pale şêx û axa
Pev ra xwe ji bo me dane kuştin
.............................
Gundî û feqî û şêx û pale
Pev re dikirin fixan û nale
Erd û şerefa me pak e; kurd in
Xwîn û neseba me çak e; kurd in
Axa û mela û pale, koçer
Kurd in û hemî bra ne yekser
Mêranî û xeyret û şehamet
Kevnar e, li cem me rêz û adet
Erdê me delal e; xemrevîne e
Tirba Mem e ew, welatê Zîn e
Axa û mela û pale, koçer
Kurd in û hemî bira ne yekser
Xeyda hev û du ji dil derînin
Kurd in hemî em kezebbirînin
Tirsa we me be ji pûk û badev
Ilm û hinera xwe gî bidin hev
Axa û mela û pal e koçer
Kurd in û hemî bira ne yekser
Xelkê me hemî; ji qehr û derda
Gava digirî welatê Kurda
Rabûn û gişa ji dil û tevda
Gundî weke pale, şêx û axa
Pev re xwe ji bo me dane kuştin
...........................
Hawar, hejmar 28, 15 Gulan 1941