İki kiçik hekayədən ibarət bir kitab idi. Ümumiyyətlə rus yazıçıların nəsr dili, yazma tərzi sanki bir-birini hardasa təkrarlıyır. Öncəkindən sonra gələn biraz da təkmilləşdirib yeni bir əsər çıxardır ortaya sanki. "Palto" adlı hekayəni bəyəndim, yazıçı öz dövründəki sinif təbəqələşməsini, ədalətsizliyi, yuxarılarda, hakimiyyətdə hər zaman yolundan çıxan, azmışların da olduğunu çox yaxşı şəkildə əks etdirib. Elə indiki dövrdə də Akakiylərimiz o qədərdir ki. İşini layiqincə görməyə çalışan amma ətrafı tərəfindən ələ salınan, rəhbəri tərəfindən diqqətdə saxlanılmayan. Elə hamımız nəyisə əldə etmək üçün Akakiy kimi də digər ehtiyaclarımızı məhdudlaşdırır, qısıtlayırıq. Hə, onu da qeyd edim ki, sonluq sanki yersiz uzanmışdı. İkinci hissə "Burun" isə çox mənasız gəldi mənə açığı. Ağır bir yazıçıdan həcmi kiçik də olsa ağır və ciddi bir şey gözləmişdim. Yəni sırf kitabı yarımçıq qoymuyum deyə oxudum. Təşəkkürlər, hərkısə xoş mütaliələr