Türkiyəli tədqiqatçı Nejat Bozkurt “Felsefe işığıyla arayışlar” əsərində “türk fəlsəfəsi varmı?” sualına cavab tapmağa çalışır. O, türklərin köçəri, dinamik və qarşılaşdıqları mədəniyyətlərə daha asan adaptasiya olunan xarakterə
malik olduğunu, fəlsəfənin isə daha çox oturaq və sükunətdə olan mədəniyyətlərə xas olduğunu bildirir. Türklərin köçəri həyat tərzi səbəbi ilə müxtəlif mədəniyyətlər arasında
əlaqələnidirici və ötürücü rol oynadığını, onlardan nələrsə aldığı kimi, onlara da nələrsə verdiyini və təsir etdiyini qəbul edir. Nəticədə o, bir türk fəlsəfəsinin olduğunu, lakin bu fəlsəfənin özünəməxsus və universal bir fəlsəfə olub olmadığı, hansı səviyyədə bir fəlsəfə
olduğu ilə bağlı qeyri-müəyyənliyin mövcudluğunu qəbul edir