( Radıyallahü 'anhu )
Sürdü ceyş-i gamı dilden yed-i imdâd-ı 'Ali
Kalb-i mahzûnumu șâd eyledi irşâd-ı 'Ali
Kederin var ise evsâfinı tezkâr eyle
Dil-i mağmûma verir şevk u ferah yâd-ı 'Ali
Ma'delet kişverinin Şâh-ı vefa-perveridir
Dâd-hâhâna muhakkak erişir dâd-ı 'Ali
Cûdu çok, cür'eti çok, șefkati çok, re`yi metin
Ezeli mevhibedir halk-ı Hüdâ dâd-ı 'Ali
Zeyl-i ihsânını tut sıdk ile istirhâm et
Yetişir her bunalan bî-kese imdâd-ı 'Ali
Eylemiştir nice "atşânı bi-hakkın irvâ
Câyi'ânı doyurup keff-i kerem-zâd-ı 'Ali
Melceim bâr-geh-i Âl-i "abâ'dır FENNÎ
Gözümün nûru başım tâcıdir evlâd-ı 'Ali
Umarım 'âtıfetinden bizi mahrûm etmez
Ìltifât etmedir 'âcizlere mu'tâd-ı 'Ali