– Ana, atalar uşaqlarını çox istədikləri üçün onların şəklini pulqabıya qoyurlar, hə? – deyə, məsum bir maraqla soruşdu.
– Hə, oğlum. Uşaqlarını çox sevdiklərinə görə və bir də, evli olduqlarını unutmasınlar deyə... – Həmidə ərinin eşitməsi üçün ucadan belə deyib, güldü. Toğrul sual dolu məsum nəzərlərini anasından çəkmirdi. – Atanız sizin ikinizi də çox sevir. – Həmidə onun başını sığalladı. – Siz onun üçün bu dünyada hər şeydən qiymətlisiniz...