Göz yaşını qurutmağın yanında
Bir dənizi qurutmağa nə var ki
Dərd eləmə, qurban olum dərdinə
Unut məni, unutmağa nə var ki
***
Mən ki sənin sevmədiyin adamam
Elədirsə, kimin dərdin çəkirsən?
Get tarının, mizrabanın dərdin çək
Niyə gəlib simin dərdin çəkirsən?
***
Axtardığın mən olsam da, əzizim
İtirdiyin mən deyiləm, bilirsən…
Mən olsamda, itirdiyim adamı
Axtarmaram, sən deyiləm, bilirsən…
***
Bir baxçada gül olsan da sonunda
Ləçək-ləçək qurudulan qadınsan
Unut məni, unutmağa nə var ki?
Sən özün də unudulan qadınsan