........ EY HABÎB
1 Nâzil olmuşdur Hudâdan sana fermân ey Habîb
Bu yeter mahlûk içinde rif'at ü şân ey Habîb
2 Olalı der-gâh-ı bî-çûna mukarreb hem nedim
Müftehirdür hizmetinle Peyk-i Yezdân ey Habîb
3 Senden istişfâ' içün zâr u recâda rûz u şeb
Bende-i fermân-berindür cümle şahân ey Habîb
4 Zümre-i ehl-i dalâlin mûcib-i ilzâmına
Kıssa-i şakku'l-kamer yetmez mi bürhân ey Habîb
5 Ümmet içre șer`iñe münkâd olup sâ'ir milel
Dehșet-i emr-i lebinden cümle lerzân ey Habîb
6 Dili ebkem çeșm(i) a'mā guşları olsun âsam
Kim getürmezse sana 'alemde îmân ey Habîb
7 Bu za'îf ü müflis ü bî-çâre Sıdkî n'eylesün
Olmaz ise derdine bâbında dermân ey Habîb
Sayfa 116Kitabı okuyor
·
47 görüntüleme
Yorum yapabilmeniz için giriş yapmanız gerekmektedir.