Çarəsi tapılmaz, təbibi gəlməz
ürəyə sevgidən qada düşəndə,
arxasız olanın qədri bilinməz,
halı soruşular- o da düşəndə!
Ayaqlar altında xırda qüsurlar,
yekəyə nökərlər baxıb susarlar,
Vətəni gəmirər, iliyin sorar
görməmiş damaqlar dada düşəndə!
İlahim, işimiz nə olacaqdı?
Üzümüz nə qara, nə də ki, ağdı,
a quldur, görərsən nə cür ocaqdı-
ruhun Cəhənnəmli qata düşəndə!!