Bir vaxt gec olacaq, peşimançılıq
Hücuma keçəcək hər ikimizə.
Bir səadət kimi görünəcəkdir
Onda bu söz-söhbət, bu mübahisə.
Onda deyəcəyik: bir görüşəydik,
Yenə başlayaydı mübahisələr.
Yenə hər ikimiz haqlı olaydıq,
Susa bilməyəydik səhərə qədər.
Mən səni danlayıb haqsız edəydim,
Haqsız eləyəydin sən də ki, məni.
Onda çox güman ki, aynlmamaqçün
Sübhədək kəsməzdik mübahisəni.