Könlümə var oldun, gözümə nurtək,
Sənsiz candan küsür dayanır ürək.
Bəsdi bu qəm kədər, gəl deyək gülək,
Kədər bir yan olsun, ələm bir yana.
Çıxaq zirvələrə qovaq çən, duman,
Bizə həsəd etsin bu yer, asiman.
Mən sənin əlindən tutduğum zaman,
Biz bir yana olaq, aləm bir yana.
Bəsdir danışdığın səbir, dözümdən,
Bəsdir incidiyin şair sözündən.
Ürəyimdə nə var oxu gözümdən,
Qələm bir yan olsun, dilim bir yana.