1 'Ömrini itme telef 'ilm ile 'irfâna çalış
Bu tarîk ile dilâ kurbet-i Rahmâna çalış
2 Sa'y(i) inkâra düşüp gitme tarik-i cebre
Sana kim söyledi var mezheb-i şeytana çalış
3 Virme fırsat sakın ol düşmen-i kâfir-kişe
Bu cihâda șeb ü rûz turma șeci'ane çalış
4 Olagör bezmine mahrem o șeh-i devrânın
Pişe-gâhında nedim olmağa merdane çalış
5 Urma dil neşterini kimseye bî-hûde yere
İlm-i nabza heves it turma hekimâne çalış
6 Eyle evvel sözi sencid-i derununda tamâm
Yüri var tesliye-i hâtır-ı yârâna çalış
7 Kaçma vahșî gibi Sıdkî giregör her bezme
Ülfet it herkes ile meşreb-i rindâna çalış