Qürur məsələsiİnsan ve Duygular
Keçən gün anam bizim kasıb kirayə evinə gəlmişdi. Evi ondan fərqli olaraq çox az dağınıq saxladığımız üçün evə keçməyi qəbul etmədi və girişdə məni gözlədi. Keçərli səbəb isə budur ki, içəri girsəm gərək təmizləyim sonra çıxım. Bizim evə isə anam keçid etsə, bir həftə çıxa bilməsi mümkünsüz olduğu üçün bu fikri ilə mən də razılaşdım. Sonra mənim bir-biri ardınca sıraladığım yalanlar başladı. Soruşur ki, nəyin var və nə nəyin əksikdir? Əksikləri de, həll edək.
Deyirəm yağ, makaron, düyü, yumurta, pomidor və s. almışam. Amma bunların əksinə məni evdə bir pomidor və dörd dənə yumurta gözləyir. O dörd yumurtanın ikisini də ev yoldaşlarım sağ olsunlar, sındırıblar. Mən isə mağaza aləmində birinin üstünə beşini qoyub danışıram. Qəribə bir hal idi. Əslində, həyatımda ən son bu pul məsələsi ilə bağlı anamdan utanmadığım qalmışdı, lakin zaman ötdükcə artıq ondan da utanıram. İnsanın yaşı artdıqca qüruru öz bağrına basır. Əvvəllər anam xərclik olaraq beş manat vermir deyə dünyanı dağıdırdım. İndi Allaha yalvarıram ki, pul bitməmiş hər şeyi hiss edib özü atsın. Böyüdüm deyəsən, ya da tamamilə başqa bir şey baş verdi. Hər nə oldusa, hər şey xarakter olaraq yaxşı yöndə, hadisə olaraq tamamilə əksinə davam edir. Bunların bir gün müsbət mövqedə qovuşması diləyilə...
·
648 Gösterim
2 Yorum
2ci kursa keçəndə fikir verdim ki atamdan pul istəyəndə çəkinirəm, ona görə gələn ayin təqaüdünə qədər pulumu ehtiyatla xərcləyirəm.
Əgər sadəcə təqaüdün yetə biləcəyi qədər xərcləmələr ediriksə, gözəl bir haldır. Lakin özümüzü inkişaf etdirəcəyik deyə daxil olduğumuz kurslar, onun kitabları, yol pulu, ev pulu və s. aləm bir-birinə dəyir.
Qürur və gizli eqo. İndinin özündə belə atamdan pul istəməyə çəkinirəm. Diqqət elədizsə utanıram demədim. Burada utanmalı heçnə yoxdur çünki. Çəkinmə və qürur etmə səbəbimiz, sabahsı gün özünü dolandıra bilmirsən, hələdə bizim dəstəyimizlə ayağdasan kimi sözlərdir. Hər hansı bir irad bildirə bilmirsən, etmək istədikdə, etdiyimiz yaxşılıqlar burnundan gələr kimi cavab ala bilərsən, ki bu cümlədə də hansı yaxşılıqlardan bəhs olunduğunu yaxşı bilirsən. İnsan, gərək yalnız özünə möhtac olsun.
Yorum yapabilmeniz için giriş yapmanız gerekmektedir.