Sıldırım çiçəyi, qısadır dilim,
Nə ola, bir kiçik quşa dönəydim.
Ya sən bu tərəfdə bitəydin, gülüm,
Ya mən o tərəfdə daşa dönəydim.
Tərpənə bilmirik boylansaq da biz,
Arzumun əlləri açıla qalıb.
Üz-üzə, göz-gözə dayansaq da biz,
Tale aramıza sıldırım salıb.
Bəxtiyar sanıram özümlə səni,
Eh, bilsən nə keçir könlümdən mənim?!
Öpüb oxşayıram gözümlə səni,
Ta heç nə gəlməyir əlimdən mənim.
Qibtə eləyirəm əsən küləyə,
- Mən səni görəndən dağılıb huşum.
Sıldırım üstündə bitən çiçəyə
İldırım olmasam, necə qovuşum?!