Efendîno…
Rahêjin teşkên xwe
Rahêjin kincên xwe
Postalên xwe
Û şivqeyên xwe
Ciyê we hebe li ser vê axê
Û we çi anîbe bi xwe re
Teng
Top
Tifing
Teyare
We çi ava kiribe
Dibistan
Qereqol
Dadgeh
Û hepsên bêdergeh
Zîndan û asaggehên têrguneh
Û zinên xwe jî esseh
Efendîno
Zaroyên xwe jî
Hebin pîç û bêjiyên ji xwe jî
Û kûçikên xwe jî bibin
Pisîk û çivîkên xwe jî
Û ala xwe jî ji bîr mekin Efendîno
Ala xwe jî
Tiştekî
Tiştekî nehêlin ji kerema xwe
Hûn ê biçin
Hûn ê pişta stûyê xwe bixrunîn biçin
Hûn ê biniçniçin û hûn ê biçin
Biçin
Berî kuç û kevir di we werbin
Biçin
Berî ku dayikên kitanspî
Tû bikin serçavên we
Û hêj ku agir vêneketiye j’agir
Hema niha
Vê kêlîkê
Ji vir
Rahêjin teşkên xwe
Û biqeşitin
Efendîno..
ARJEN ARÎ-EFENDÎNO
Her tim bi rêz
··
1 +1'leme
·1.288 Gösterim
Yorumlar
Lütfen giriş yapınız.