Kurdî

‘nerîna te’
tu li min dinerî
li bajarekî mirinê ji nav xeyalan
ez rêyekê datînim ber xwe di çavên te de
û diçim...

‘çavên te’
çavên te bajarekî tîne bîra min
çavên te hemû umrê min î wendayî
çavên te Diyarbekirê tîne bîra min...

‘kenê te’
kenê li ezmanan hatiye reşandin
û her stêrkek bûye şanikek li ber lêvên te
her kenekî te kêrek
her kenekî te behreke dadayî di dil de...

‘lêvên te’
her ku ez difikirim
heftê caran erd diheje li vir
heta ku ez nemêjim ji wî şekirê lêvên te
ne roj tu roj e ji min re
û ne jî şev tu şev...

te digot ji min re kulîlkekê bîne
te digot ji min re kulîlkekê bîne, bila neqefile
ma qey tu nizanî
min emrê xwe li kolanên Diyarbekirê reşandiye
umrê min niha di nav êgir de diqefile

te digot ji min re stranan bêje, bila ji dil bin
ma qey tu nizanî
min dilê xwe li wir hiştiye
dilê min dişewite niha di nav bêrîkirinê de

‘wechê te‘
wechê te hemû derdan bi min dide jibîrkirin
tu xwe nede alî
wechê te Diyarbekirê tîne bîra min...

İbrahim Seydo Aydoğan

ji kenê xwe çend hakehakan li vira bihêle û biçe
ji lêvên xwe çend maçan??
bêhna parfuma xwe
li perdeyan ke?
pêsîrdanka xwe li ber dîwêr bihêle?
rûja xwe li ber neynikê...??

heke tu derket,
porê xwe li ba bide?
birînên xwe veşêre û biçe?
bila zarok nizanibin ku em diêşin...

çayekê çêke
zeytûn, nanê tennûrê
kêrekê jî bîne û
vî dilî hûr ke...

di oxira çavên xwe de
li zarokên taxa me belav ke...

heke tu çûyî jî
min li vira bihêle û biçe
bila xelk bibêjin qey tu ê vegerî

Ez di dexlê te de me
Ji kesî re mebêje
Ku
Tu…
Tew bê welat î…

İbrahim Seydo Aydoğan

Mı araqê çharê ho ramıto, çınıto
Hata nıka bınê kêşi nêkınıto
Thomırê chemê haqıye chınıto. "

Thomırê mı thomırê chemê haqıye
Çhopol dano xıravıneni u neqıye

Vacê derdê ma eskera bo
Xizir carê ma de bireso
Dermanê ma kî eskera bo
Neçar û bindestanê dîna rê dêyax bo.

Famnekeme harde şayi,
Derde ma teyna werden a,
Ma dina vesna qedena,
Ita jiyar u diyari nemende.

Seyid QAJİ

ramûsan min veşartin li gelîyekî...

'öpücükler gömdüm bir vadiye'🌼🌿

Arjen Arî

Koçberî ne tenê guhertina cih û war e, di heman demê de ew tê wateya guhertina şert û mercên jiyanê yên derveyî û derdora jiyan û xebatê nixên çandî û civakî jî.
Bandorên vê hawirdora nû ne ku bi tenê pileya guherînê derdikevin holê di heman demê de bi şer, bi bobelatên xwezayî û bi bêkariyê û bi îdarekirina takekesî ya şert û mercên nû re jî xwe didin der.

Şevên bê çay