Bitirəndə anladım, Murakami artıq mənim "safe place" yazıçıma çevrilib, baxmayaraq ki, bu ondan oxuduğum sadəcə ikinci kitabdır. Üslubunda insanı rahatladan, "təlaş etmə, pis ya da yaxşı hər nə varsa sənə izah edəcəm" deyən və hər xırda detalı zövqlə işləyən bir tərəf var. Bu arada, məncə seksuallığı ən yaxşı işləyən yazıçıdır.
Romana gəldikdə, əslində Murakamiyə heyranlığım dərin mövzuları qısa şəkildə və az personajla işləməyi bacarmasındadır. İnsanı yormur, hüzur verir. Romanda nə var? Özünüdərk, özünü axtarma, sevgi, travmalarımızın qarşısında biz. Sumirenin özünü tapması üçün Myu ilə hekayəsi tamamlanmalı idi, kitabda bu hadisələri hekayələndirən adsız qəhrəmanımız üçün isə Sumirenin bu formalaşmanı tamamlaması onun özünü tapmasına vəsilə olacaqdı. Bu bermuda üçbucağının hekayəsi fərqli aspektlərdə davam edir, üçü də tamamilə fərqli insanlardı, amma hekayələrinin kəsişmə nöqtəsində sanki üçü də eyni insana çevrilir.
Son olaraq, Murakaminin personajların dilindən sevdiyi əsərlərdən sitatlar və mahnılar verməsini çox sevirəm, yeni kəşflər edirəm.
·
67 Gösterim
Yorumlar
Lütfen giriş yapınız.