Hürr oxuduqca insanı içindən tutan, düşündürən bir kitabdır. Hadisələrdən çox, verilən suallar yadda qalır. Əsas mövzu azadlıqdır, amma buradakı azadlıq sadəcə istədiyini etmək deyil, insanın özünü tapmasıdır.
Kitabda insanın taleyi ilə bağlı tərəddüdləri, seçim etmək qorxusu və öz yolunu axtarması hiss olunur. Bəzi yerlərdə sanki qəhrəman yox, birbaşa oxucu özü sual altına alınır: “Mən doğrudan azadam, yoxsa sadəcə axına gedirəm?”
Dil ağır deyil, amma məna dərinliyi var. Bəzən real hadisələr, bəzən də daha simvolik səhnələr olur. Bu da kitaba fərqli bir hava qatır. Oxuyarkən hər şeyi dərhal anlamaq məcburiyyəti yoxdur, bəzi hissələr sonradan yerinə oturur.
Hürr macəra axtaranlar üçün yox, daha çox düşünməyi sevənlər üçündür. Kitabı bitirəndə səndə bir hiss qalır: azadlıq bəlkə də insanın özü ilə etdiyi ən çətin mübarizədir.
·
38 Gösterim
Yorumlar
Lütfen giriş yapınız.