Əlirza Pənahiyan təkəbbürü daxili bir problem, insanın özündə gizli qalabilən bir eyb kimi təqdim edir. Kitabda göstərilir ki, təkəbbür sadəcə başqalarına qarşı üstün görünmək deyil; çox vaxt öz səhvlərini qəbul etməmək, özünü üstün və haqlı görmək kimi subtik formada ortaya çıxır.
Müəllif vurğulayır ki, bu təkəbbür həm insanlarla, həm də Allaha və həqiqətə qarşı gizli şəkildə yarana bilər. Yəni problem yalnız zahiri davranış deyil — daxili mənəviyyatla bağlıdır.
Kitab sadə və ardıcıl şəkildə qurulub. Əvvəl təkəbbürün mahiyyəti və növləri izah olunur, sonra insan həyatına təsiri göstərilir, nəhayət isə bu eybdən xilas olma yolları təqdim edilir. Oxuyarkən hiss edirsən ki, müəllif sadəcə nəzəri bilik vermir, həm də özünü tanımaq və mənəvi olaraq inkişaf etmək üçün yol göstərir.
Bitirdikdən sonra düşünürsən ki, təkəbbürdən xilas olmaq yalnız davranışı dəyişmək deyil, özünü düzgün qiymətləndirmək, səhvləri qəbul etmək və məsuliyyət daşımaq deməkdir. Kitab məhz buna çağırır və oxucunu təkcə təkəbbürdən xəbərdar etməklə kifayətlənmir — özünü dərk etməyə və mənəvi olaraq təkmilləşməyə təşviq edir.
Qısaca, Gizli Təkəbbürdən Xilas oxucunu düşünməyə və özünü sorğulamağa vadar edən bir kitabdır. Sadə, aydın və hər kəsin başa düşə biləcəyi şəkildə yazıldığı üçün həm gündəlik həyat, həm də mənəviyyat baxımından faydalıdır.
·
44 Gösterim
1 Yorum
Lütfen giriş yapınız.
Nuranə Məmmədli
Gönderi Sahibi
Bəladan artıq, ancaq “öz, mən” hədəfli yaşamağın bir ayrıcalıq olduğunu düşünür artıq gənclər, hərşey “mən”-lə bağlıdr.”Mənim” problemlərim, travmalarım, görünüşüm, mənfəətim, düşmənim, dostum və s…