Ağırı,yüngülü yerbəyer eylər
Bu dünya özü bir daş tərəzidir
Ariflər gözündə, haqq divanında
Hörmət tərəzisi baş tərəzidir
Sinəmdə qəlb yanır, ağzımda dilim
Yox , belə bazarda gətirməz əlim
Boş əli çəkiyə kim salacaq,kim?
Boş əlin özü də boş tərəzidir
Yalan küləkləyir, doğru ləhləyir
Yüngül var görürsən ağırı əyir
Ömrünün atını vaxt dəhmərləyir
Ömrün ölçüsündə, yaş, tərəzidir