Gözlədiyimdən daha maraqlı əsər idi. 1939-1945- illər aralığında baş vermiş ikinci dünya müharibəsinə dair yazan sənətçilərdən danışılanda ağla gələnlər əsasən Remark və Heminquey olur. Bir də Stefan Zweig var ki, onun əsərlərini daha çox birinci və ikinci dünya müharibəsi arasındakı dövrə aid edərdik. Bu müəllifin əsəri isə tam olaraq müharibə baş verən dövrdən danışır. Daha dəqiq desək, Almaniyadan məcburən qaçmış insanların digər ərazilərdə məskunlaşmasından. Özünə xas ab-havası var əsərin, tempi sürətli deyil, orta sürətlidən biraz azdır. Oxunulası əsərdir fikrimizcə.