Özünü inkişaf mövzusunda oxuyanların , təcrübəli insanlardan və kitablardan məsləhət almaqdan , bunlardan müəyyən nəticələr çıxarmaqdan həzz alan oxuyucuların zövqünü oxşayacağına inanıram.Kitab əsasən gənc nəsil üçün maraqlı olacaqdır .Belə ki , mən kitabı universitetə yeni başlamış və ya universitetlə , tədrislə hələ əlaqəsi kəsilməyən şəxslərə tövsiyə edərdim . Əslində kitabı oxuyarkən öz universitet xatirələrin , həmin illər ərzində səndə olan dəyişikliklər göz önünə gəlir , nələri səhv ,nələri düz etdiyinin az da olsa fərqinə varırsan .Hər kitabın fikir və duyğularımızı , müəyyən qədər həyatımızı dəyişdiyinə inanıram .Doğru istifadə edə bilsək , bu kitab da həyatımıza yön verəcək , tənbəlləşmək istədikdə nələrin baş verəcəyini əvvəlcədən bizə göstərən , iradəmizi möhkəmlətməyin yollarından bəhs edən dəyərli kitablardan biridir .
