Son bir ilin əvvəlindən axırınadək yalanın arxasında gizlənmişdim. İndi isə həqiqətin arxasında gizlənirəm. Əgər o, yalan idisə, mən nə üçün gizlenim? Axı mənim bu qədər qorxduğum nədir?
Biz aldadılacağımızı gözləyirik. Qəlbimizin dərinliyindən hər birimiz bilirik ki, inandığımız, yaxud nə vaxtsa inanacağımız hər şeyin yalan olduğu ortaya çıxacaq.
Görəsən, o mənimlə oynayırdı, ya həqiqətən, mənə vurulmuşdu? Doğrudanmı, mən bunu heç vaxt bilməyəcəyəm? Bəlkə, mən onu axtardığım kimi, o da məni axtarır?
Bəs nə etməliyik? Həqiqəti qəbul edib yaşamalıyıq? Axı o həqiqət kimə lazımdır? Yaxşısı budur, məni aldadın, mənə inana biləcəyim gözəl bir yalan verin və məni xoşbəxt bir rahatlıq içində tərk edin...