Başa düşürdü ki, belə şeylər indi heç bir halda təkrarlana bilməz. İndi qorxu, nifrət, ağrı var, lakin hislərdəki ləyaqət yoxdur, dərin, yaxud hər şeyi ehtiva edən kədər yoxdur.
Əgər yerdə qalanların hamısı Partiyanın yalanını qəbul edirsə, əgər bütün sənədlərdə eyni nağıl yazılırsa, onda uydurulmuş yalan mütləq tarixə köçəcək, sonda həqiqətə çevriləcək.
Keçmiş, sadəcə, dəyişdirilməyib, keçmiş yerli-dibli məhv edilib. Hətta ən bəsit fakt da sənin yaddaşından başqa heç yerdə təsbit olunmayıbsa, onun gerçək mövcudluğunu necə sübut edə bilərsən?