Yadında saxla, əgər bir səhv edirsənsə, və bunu səndən başqa kimsə ya da kimlərsə görürsə, sən əlindən gələnin ən yaxşısına da etsən nəyəsə nail ola bilmirsən.Milyon dənə yaxşılıq et, uğurlara imza at ya da nə bilim dünyanı fəth et, ürəyi kirli biri üçün sən hər zaman o səhv hərəkətinlə xatırlanacaqsan.
Heç kim sənə inanmayacaq, çünki sənin yaxşı olma ehtimalın onları özlərinə daha günahkar hiss etdirəcək.Onlar əmin olmaq istəyirlər ki, dünyada özlərindən başqa günahkarlar var və onlar tək deyil.
+Ulduzların hərəkətinə inanırsan?
- Arzu tutmağı deyirsən?
+Hə
- Nə bilim..Ümid verici bir inamdır sadəcə..Ümidi kəsilənlərin son çırpınışları kimi..
+Birdən biz bir- birimizdən tamam uzağa düşsək,məni görmək üçün dilək tutmazdın?
Orxan Fərəhdən bir addım arxada dayanmışdı. Qulağına əyilib yavaşca dedi:
- Biz səninlə heç vaxt ayrılmayacağıq.Uzaq məsafələr həmişə ulduzların yanında aciz qalacaq.Həyat səni məndən nə qədər uzağa atsa,hər gecə eyni ulduzların altında səninlə görüşəcəyik.
+ Eyni ulduzun altında..Filmdəki kimi,hə?
- Hə..
Hər yeriyən, baxan, yemək yeyən insan həqiqətən yaşayır səncə? Həqiqətən düşünürsən ki, həyat bundan ibarətdir? Məncə yox.. "Həyat nəfəs aldığın
anlardan yox, nəfəsinin həyəcandan kəsildiyi anlardan ibarətdir."
Səninlə hər danışanda ürəyimdə o hamıdan qaçan, qorxan, güvən hissindən yoxsul o balaca oğlan gülümsəyir. İtirdiyim uşaqlığım, gəncliyim, ailəm.. Hamısı geri dönür sanki, başa düşürsən?