Ümumiyyətlə, kitab maraqlı idi, çatdırmaq istədiyi fikirlərin əksəriyyəti əhəmiyyətlidir, fikrimcə. İlk başlarda axıcı irəliləyir, lakin artıq ortalarda yazıçı dinin təbliğatına çox yer verir. Dinə, tanrıya inanmamağı və inanmayanları əxlaqsız, talançı, pozğun adlandırır. Mən bu fikirlərlə razılaşa bilmədim. Hər tanrıya inananın yaxşı, mələk ruhlu insan olmadığı kimi, hər tanrıya inanmayan da şeytani hisslərlə dolu biri deyil və dini inancın olmaması cəmiyyəti bədbəxtliyə sürükləmir. Elmi tərəqqi din təbliğatı olmadan da mümkündür.
Bu mənfi yönləri ilə yanaşı kitabda ən çox bəyəndiyim fəsillər valideyn və uşaqlardan, təhsildən, memarlıqdan, idarəetmədən bəhs etdiyi fəsillərdir.
Ümumən kitaba şans verməyə dəyər, ancaq hər fikri ilə razılaşmaq çətindir və bu da normal bir haldır.