İsmayıl bəy Qasparlının əziz xatirəsinə ərmağan olunur.
Bir nəfəsə oxunan roman Nəsib bəy Yusifbəylinin siyasi yaşamından və eşq hekayəsindən bəhs edir.Romanda Nəsib bəyin gənclik dönəmindən ölümünə qədər olan dövr əhatə olunmuşdur.Romanda diqqəti çəkən məqamlardan biri də hər bölmənin maraqlı və cəlbedici başlıqlarla təqdim edilməsidir.Roman mövzusu Ceyhun Nəbinin ilk dəfə yazdığı mövzu olmasına baxmayaraq, bədiiləşdirmə ilə bərabər həmçinin hər bölmədə dövrün rəsmi tarixi sənədlərinə və real faktlara əsaslanan maraqlı bəhslər də dilə gətirilir.Buna görə də,birmənalı deyə bilərik ki,bu roman Azərbaycan ədəbiyyatında sənədlər üzərindən keçən və dövrü reallıqları əsaslı şəkildə özündə əks etdirən ilk siyasi romandır.Bu sənəd və faktların bir çoxu Nəsib bəyin varislərindən toplanıb.Nəsib bəyin obrazında Ceyhun Nabi bir növ özünü tapır.Hər ikisini birləşdirən və sevdirən bir dəyər var:bu dəyər də,cümhuriyyətçilik dəyəridir.Yazar gerçək faktlara söykənərək,romanda Nəsib bəyin Baş nazir olanda,dövlətçiliklə bağlı məsələlərdə prinsipiallığı və onun uğrunda canından belə keçməyə hazır olduğunu qələmə aldığı kimi,Nəsib bəyin Şəfiqə Soltana olan sevgisini və öz sevgisi üçün hansı məhrumiyyətlərə qatlaşdığını da bədiləşdirib.
